Më 16 mars, USAID-i dhe Oda Ekonomike Amerikane në Kosovë bashkë-organizuan një panel virtual mbi ndikimin dhe përparimin e bërë në legalizimin e ndërtimeve pa leje. Ky forum, me numër rekord prej 9,300 shikimesh, gjithashtu shërbeu si një thirrje për veprim drejtuar qytetarëve dhe bizneseve për të fituar pronësi të qartë mbi pronën e paluajtshme përmes proceseve të thjeshtëzuara dhe racionalizuara. Kosova ka 350,000 objekte banesore dhe komerciale të ndërtuara pa leje. Bashkëpunimi i USAID-it me institucionet e Kosovës dhe dy komuna partnere (Prishtinën dhe Graçanicën) rezultoi me legalizimin e 456 pronave të paluajtshme me vlerë prej 72.6 deri në 96.5 milion euro ( $87.49 - 116.30 million). Për qeverinë, e në veçanti për komunat, legalizimi siguron rritje të të hyrave nga tatimi në pronë dhe detyrimet tjera. Pronarëve, legalizimi i pronës së paluajtshme të ndërtuar pa leje u siguron provë të pakontestueshme të pronësisë mbi të dhe të të drejtës për t’iu transferuar atë të tjerëve përmes trashëgimisë, për ta shitur apo përdorur si kolateral për huamarrje.
USAIDKosovë