Resmije Rahmani, një avokuese për personat me aftësi të kufizuara, është nga Prizreni, qytet ky në Kosovë i njohur për trashëgiminë e tij kulturore dhe mjedisin e bukur. Megjithatë, shumë prej hapsirave publike në Prizren kanë mungesë të objekteve sanitare të qasshme, gjë që e bën lëvizjen e lirshme nëpër qytet sfiduese për personat me aftësi të kufizuara.
Përmes aktivitetit të USAID-it Kontrata Sociale, i cili adreson barrierat me të cilat përballen qytetarët gjatë përpjekjeve të tyre për të patur pjesmarrje domethënëse në qeverisjen lokale, Resmija u angazhua me zyrtarët komunal në bashkë-dizajnimin e një kontrate sociale të fokusuar në bërjen e objekteve sanitare publike më të qasshme. Për Resmijen, programi i kontratës sociale nuk është vetëm një mundësi për t’i adresuar sfidat që paraqet mungesa e objekteve sanitare publike të qasshme për personat me aftësi të kufizuara, por edhe një shans për të theksuar ndryshimin që hapësirat e qasshme publike do të bënin në jetën e këtyre njerëzve, të cilët shpesh nuk merren parasysh gjatë diskutimeve të planifikimit urban. Vendimmarrja gjithpërfshirëse është e rëndësisë thelbësore për ndërtimin e komuniteteve më të lumtura dhe më të shëndetshme.
Duke u krijuar mundësi qytetarëve si Resmija që të marrin pjesë në mënyrë aktive në vendimmarrjen e pushtetit lokal, USAID-i po punon drejtpërdrejt me qytetarë që janë shpesh të nënpërfaqësuar për të siguruar që institucionet qeveritare me të vërtetë t’i dëgjojnë zërat e të gjithë qytetarëve dhe t'u shërbejnë të gjithë zgjedhësve.
Demokrasi Interneshënell (Democracy International) për USAIDKosovë