Projetu ninia Lala'ok:
Organizasaun naun-govermentál (ONG) ho kualidade ne’ebé aas bele ajuda asegura governu ida ne’ebé responsavel no transparente no responsivu ba iha interese públiku, enkuantu apoiu governasaun ne’ebé di’ak, justu no responsivu. Atividade ne’e sei haforsa sistema demokrátiku hodi ajuda nasaun halo progresu iha ninia jornada ba auto-sufisiénsia (hamriik rasik). Timor-Leste iha komunidade ONG ne’ebé forte dezde independénsia maibé maioria husi ONG foun sira nee deskobre sira nia abilidade advokasia ne’ebe limitadu tanba falta kapasidade administrátiva no apoiu finanseira ne’ebé sustentável. USAID/Timor-Leste nia Atividade ONG Advokasia ba Governasaun Di’ak sei fornese formasaun tékniku no apoiu hodi ONG bele sustentável liu tan no bele reprezenta di’ak liu tan sidadaun ninia interese ho governu
Rezumu:
USAID/Timor-Leste nia Atividade ONG Advokasia ba Governasaun Di’ak haluan ambiente favoravel ba ONG no haforsa kapasidade organizasionál, peskiza, rede, no finanseira ba NGO local até ualu ne’ebé ho kapasidade nivel médiu iha Timor-Leste atu sira bele fornese servisu advokasia bazeia ba evidénsia ne’ebé di’ak liu no sustentável hodi sidadaun sira naran. Setór ONG ne’ebé forte fundamental ba estadu ida ne’ebé governadu demokratikamente, bazeia ba regra. Atividade ne’e sei foka ba objetivu haat: haforsa ONG nia kapasidade organizasionál; hadi’a advokasia, kapasidade peskiza, analiza no rede atu responde di’ak liu tan ba konstituinte sira; promove reseita husi fatin oi-oin no regular, no; promove ambiente favoravel ida ne’ebé promove ONG sira nia independénsia. ONG ho kualidade ne’ebé aas bele ajuda asegura governu ida ne’ebe responsavel no transparente no responsivu ba iha interese públiku, enkuantu apoiu governasaun ne’ebé di’ak, justu no responsivu. Atividade ne’e sei haforsa sistema demokrátiku hodi ajuda harii Timor-Leste ne’ebé responsavel liu, inclusivu ne’ebe halo progresu ba auto-sufisiénsia (hamriik rasik) liu tan.
Projetu nia detallu:
- Lokaliza: Nasaun Laran tomak
- Durasaun: Agostu 2020 ‒ Agostu 2025
- Parseiru Importante: TBD
- Parseiru nia kontaktu: USAID nia Atividade ONG Advokasia ba Governasaun Diak, Diane Lynn Francisco, Xefe de Ekipa, Email: dfrancisco@counterpart.org
- USAID nia kontaktu: Ana Guterres, Espesialista Jestór Projetu; Email: usaid-timor-leste-info@usaid.gov
Rezultadu ne’ebé sei atinje:
- Atividade ne’e sei foka ba dezenvolve planu asaun hodi hadi’a kapasidade husi ONG ualu ne’ebé selesiona. Ho asisténsia husi atividade ne’e, ho espetativa katak ONG sira ne’e sei hadi’a sira ninia servisu tinan ida nia laran tuir mai.
- Atividade ne’e sei fornese treinamentu tekniku no ajuda sira hodi bele reprezenta sosiedade ne’ebé di’ak liu tan no ho sustentável liutan;
- ONG demonstra komprimisu atu integra feto, joven no grupu marjinalizadu sira seluk iha organizasaun nia laran;
- Koñesimentu komunidade nian konaba no satisfasaun ho servisu advokasia ONG partisipante sira aumenta liu tan:
- ONG partisipante sira nia engajamentu ho no responsividadi ba konstituante sira, partikularmente ba feto, joven no grupu marjinalizadu sira seluk aumenta liutan;
- ONG aumenta reseitas ne’ebe sustentável liu husi fonte alternativu, hanesan setór privadu no filantropia sira (husi ema ne’ebé laran di’ak);
- Partisipasaun públiku nian aumenta liu tan iha dezenvolvementu lei no polítika sira ne’ebé mak iha impaktu ba ambiente servisu ONG nian;
- Identifika no redús barreira polítika, legál, no regulatóriu ba feto no grupu marjinalizadu seluk iha sira nia partisipasaun iha servisu advokasia no iha forma seluk influensia elaborasaun polítika no governu nia toma desizaun.
- Rezultadu final sei hatudu abilidade ne’ebé di’ak husi ONG sira ba hare bai ha governu ninia akuntabilidade no bele transparente liu tan no responsive tuir públiku ninia hakarak
