Flag of Timor-Leste

Deskrisaun Projetu

Language: English | Tetun

Ho demokrasia ne’ebé foin harii no estrutura legál iha fatin no besik populasaun 1.3 moris iha ki’ak nia laran, Timor-Leste hasoru dezafiu dezenvolvimentu ne’ebé bo’ot. USAID hare ba harii auto-konfiansa liu husi investe iha kapasidade lokál Timor-Leste nian hodi haforsa ninia instituisaun ne’ebé demokrátiku, hasa’e kreximentu ekonomia ne’ebé inkluzivu no kompetisaun iha setór privadu no hadi’a servisu saúde ba Timor-oan tomak.        

KREXIMENTU EKONOMIA NO NEGÓSIU 

Kuaze Timor oan porsentu hitu nulu depende husi agrikultura ba sira nia moris; maibé, barak mak laiha asesu ba ekipamentu ne’ebé ho kualidade di’ak no merkadu. USAID ajuda harii ekonomia ne’ebé sustentável no inkluzivu liu husi promove turizmu komunitária, aumenta produtividade agrikultura, hadi’a asesu ba ekipamentu ho kualidade aas no liga agrikultura ba merkadu foun. Parte ida, obrigado ba USAID hodi introdús konaba teknolojia modernu no tékniku agríkola, rendimentu agrikultór aumenta ba porsentu 700 durante tinan tolu nia laran.         

SAÚDE GLOBAL

Alende iha progresu ne’ebé mak di’ak, Timor-Leste nia taxa mortalidade inan no labarik tinan lima ba kraik sei nafatin aas iha sudeste aziátiku. Hodi ajuda salva moris, USAID servisu hodi alkansa asesu ba servisu saúde ne’ebé ho kualidade di’ak ba timor-oan tomak – espesiálmente ba feto no labarik – enkoraja pratika saúde di’ak no kualidade reprodutivu ba ajudu saúde ne’ebé mak di’ak. Husi USAID nia esforsu ajuda hasa’e ona persentajen feto ba simu ajuda postnatal durante loron hitu depois de partu husi porsentu 83 to porsentu 99 entre tinan 2017-2018.

DEMOKRASIA, DIREITUS UMANUS NO GOVERNASAUN

Instituisaun ne’ebé sei frajil hatudu obstákulu bo’ot bainhira Timor-Leste servisu hodi avansa reziliénsia no reprezentativu ba demokrasia. Hodi haforsa Timor-Leste nia demokrasia, USAID promove boa governasaun no ajuda redús korrupsaun. Ho USAID nia asisténsia, Timor-Leste ajuda organiza eleisaun ne’ebé pas iha tinan 2017 no 2018 la ho internasionál nia supervizaun, reforma aduaneira la’o daudauk hela no parlamentár aprende pratika di’ak hodi efetivamente reprezenta sira nia konstituinte.

Last updated: August 29, 2019

Share This Page