USAID’s Tourism For All project Hala’o Konferénsia Turizmu Relijiozu no Peregrinasaun

MD and GoTL
USAID Mission Director Diana B. Putman accompanied by Nobel Peace Prize Laureate Dr. Jose Ramos-Horta, Minister of Defense Filomeno Paixao and Minister of State of the Presidency of the Council of Ministers Hermenegildo Augusto Cabral Pereira
Cris Guterres/USAID

Atu fó sai kedas

Segunda, Maiu 20, 2019

DILI, TIMOR-LESTE – Lideransa relijiozu no lideransa polítiku atende konferénsia internasionál turizmu relijiozu sesta ne’e no konkorda hodi servisu hamutuk atu foti uitoan husi billaun $18 husi merkadu turizmu relijiozu globál, hanesan dalan hodi ajuda Timor-Leste diversifika ninia ekonomia.  

Konferénsia – organiza husi Ajénsia Estadus Unidus ba Dezenvolvimentu Internasionál (USAID)’s Tourism For All project, servisu hamutuk ho Ministériu Turizmu, Komérsiu no Indústria Timor-Leste (MTCI) no Dili Institute of Technology (DIT) – foku ba tópiku “Paz, Harmonia no Fraternidade: Dezenvolvimentu  Turizmu Relijiozu no Peregrinasaun.” Konferénsia ne’e hanesan konferénsia dahuluk ne’ebé hala’o iha Timor-Leste.     

“Timor-Leste iha ona rekursu hodi dezenvolve ninia setór turizmu,” hatete Embaixadora Estadus Unidus ba Timor-Leste Kathleen M. Fitzpatrick husi nia diskursu iha konferénsia. “Hanesan parte husi ninia patrimóniu kulturál, nasaun iha atributu barak hodi bele ajuda dezenvolve turizmu relijiozu no peregrinasaun  hanesan dalan ida  ba diversifikasaun ekonomia.” Embaixadora aumenta.

“Estadus Unidus kontente hodi sai parseiru forte ho Timor-Leste atu dudu diversifikasaun ekonomia liu husi turizmu,” hatete Diretora Misaun USAID Diana B. Putman. “Dezenvolvementu turizmu relijiozu no peregrinasaun iha ne’e bele – no ha’u espera sei – hala’o papél importante hodi ajuda governu alkanse  sira nia metas ekonómiku,” Diretora aumenta. 

Ofisíais senior husi Governu Timor-Leste, lideransa Katóliku, Konghucu, Izlámiku, Indú, Buddha no Protestante no mós oradór nasionál no internasionál hola parte hotu iha eventu loron tomak ida ne’e. Oradór importante ba iha konferénsia mak hanesan: Laureadu Nobel da Paz no Eis Prezidente Timor-Leste Dr. Jose Ramos Horta, Monsenhor Marco Sprizzi, Chargé D’Affaires A.I. Nunsiatura Apostolika ba Timor-Leste, Dr. Pedro Valinho Gomes, Diretór Peregrinasaun iha Santuáriu Fátima, Portugal; Profesór Dr. I Gede Pitana, Asesór ba Ministru Turizmu Indonezia, no Jornalista indústria viajen Imtiaz Muqbil.

Iha fulan-Marsu liu-bá, USAID’s Tourism For All project apoiu ba estabelesimentu grupu traballu turizmu relijiozu no peregrinasaun kompostu husi reprezentante  relijiaun bo’ot iha Timor-Leste. Liuhusi vizaun no lideransa Membru Konsellu DIT no eis Ministru Turizmu Timor-Leste Dr. Manuel Vong, grupu traballu ne’e organiza konferénsia no sei kontinua sira nia kolaborasaun hodi dezenvolve estratéjia no planu jestaun ba turizmu relijiozu no peregrinasaun iha Timor-Leste. 

USAID’s Tourim For All project nia Xefi Ekipa, Peter Semone hatete: “Turizmu relijiozu relevante iha  kontestu sosiedade Timor-Leste. País ne’e iha poténsia barak ne’ebé mak seidauk deskobre husi merkadu ne’e rasik, ho sítiu turístiku hanesan Cristo Rei no Santuáriu Virgem Maria iha Foho Ramelau, iha fatin  paizajen naturál ne’ebé furak, maibé importante tebes atu garante katak sítiu turístiku sira ne’e iha jestaun ne’ebé sustentável no prezerva integridade ba fiar relijiaun nian.”

Last updated: May 21, 2019

Share This Page