USAID Halo Lansamentu USAID/Timor-Leste Nia Atividade ONG Advokasia Ba Governasaun Di’ak

Press Release Shim

Speeches Shim

NGO Advocacy Launch
Embaixadora Estadus Unidus Kathleen M. Fitzpatrick no Sr. Filipe da Costa, Koordenadór Unidade Apoiu Sosiedade Sivíl, Eskritóriu Primeiru Ministru iha USAID ninia Nia Atividade ONG Advokásia ba Governansaun Di’ak nia Lansamentu.
Cris Guterres/USAID

Atu fó sai kedas

Segunda, 16 Novembru, 2020

Contact: USAID Development Outreach Communications Specialist Cristóvão Fausto Guterres, 330-0500 ext. 2016, 7732-6213. Email: cguterres@usaid.gov.

DILI, TIMOR_LESTE – Embaixadora Estadus Unidus hamutuk ho USAID nia Diretór Misaun James S. Wright, ohin anunsia inisiativa foun ba atividade tinan lima nian hodi haforte ONG sira iha Timor-Leste.

Embaixada Estadus Unidus nia Ajénsia Internasionál ba Dezenvolvimentu (USAID) oferese millaun $9.55 hodi implementa Programa Advokasia ba Governasaun Dia liu husi ONG ualu iha Timor-Leste. ONG sira mak hanesan: 1) Belun, 2) Judicial System Monitoring Programme (JSMP), 3) Fundasaun Mahein, 4) Many Hands One Nation Foundation (MAHON), 5) Programa Spesifiku fo Prioridade ba Ema Kiak (Prospek), 6) Community Based Rehabilitation Network Timor-Leste (CBRN-TL), Fundacao Hafoun Timor Lorosae (FHTL), and 8) Mata Dalan Institute (MDI).

ONG lokal ualu ne’ebé selesionadu sei hetan asisténsia tékniku hodi ajuda haforsa sira ninia abilidade tékniku hodi; ajuda ONG lokal sira hadiak sira nia abilidade no feramenta sira atu fornese servisu advokasia sustentavel ne’ebé bazeia ba evidensia no aspirasaun sidadaun Timor-Leste nian, harii aliansa intersetoriál ne’ebé dinámiku, no mantein relasaun ne’ebé di’ak ho sira ninia konstituente sira. Ho abilidade ne’ebé iha, ONG bele efetivu liu tan iha apoiu ba komunidade tuir polítika ne’ebé iha, hasa’e koñesimentu ba informasaun importante sira, hadi’a komunidade ninia partisipasaun iha governasaun no haforsa efetividade governasaun no akuntabilidade.

“Iha Estadus Unidus no Timor-Leste, ONG sira nia papel krusial iha advokasia ba direitu sira no nesesidade sidadaun hotu nian,” hateten Embaixadora Fitzpatrick. Nia hatutan “Estadus Unidus oferese apoiu ba sosiedade sivil liu husi apoiu finansiamentu ba ONG lokal ki’ik sira liu husi programa kapasitasaun ho eskala bo’ot hanesan ida ne’e. Ami espera atu servisu hamutuk ho Timor-Leste nia ONG progresivu sira liu husi advokasia ba governasaun diak.”

Timor-Leste iha komunidade ONG ne’ebé forte dezde independensia maibe ONG barak ne’ebé mak foin harii iha limitasaun abilidade atu halo advokasia tanba menus kapasidade administrativa no apoiu finanseiru ne’ebé sustentavel. Programa Advokasia ba Governasaun Diak ida ne’e sei oferese formasaun tékniku no apoiu seluk atu ONG sira nia servisu sustentavel liu no bele reprezenta diak liu sidadaun sira nia interese ba governu. Counterpart Internasional, kompañia dezenvolvimentu global ho baze iha Estadus Unidus, selesionadu atu implementa programa ne’e.

“Hau haksolok ho programa ne’e, tanba sei apoia liu tan ami nia asistensia atual ba instituisaun governu sira nian liu husi kriasaun parseria ho ONG sira,” hateten Diretor Misaun USAID Director Jim Wright.  Nia hatutuan ho interkambiu esperiensia no matenek entre organizasaun sira ne’e, bele apoia hadiak lei no polítika sira no kontribui ba Timor-Leste nia dezenvolvimentu sosial no ekonomia”.

ONG ho kualidade a’as sei ajuda governu sai akuntavel liu tan no transparente inklui reseptivu ba interese públiku, hodi apoia governu ida ne’ebé solidu no justu. Atividade ne’e sei hametin sistema demokrasia atu ajuda nasaun ne’e nia progresu ba auto-sufisiensia.

USAID nia Programa Advokasia ba Governasaun diak ne’e sei foka liu ba objetivu ha’at: Hadiak ONG sira nia kapasidade administrative no organizasional, hadiak sira nia advokasia, peskiza, abilidade analítiku no parseria atu bele responde ba aspirasaun sidadaun sira nian, hadiak jestaun no rendimentu regular no diversu sira ONG nian no promove ambiente favorável atu ONG sira sai independente liu tan.

-------------------------------------------------------------------------------------------------------------------------------

USAID OVERVIEW: Governu Estadus Unidus, liu husi USAID, servisu hamutuk iha parseiru ho Governu Timor-Leste hodi apoiu baze ne’ebé luan no dezenvolvimentu ne’ebé efetivu. Dezde tinan 2001, USAID fornese besik millaun atus tolu lima nulu iha asisténsia dezenvolvimentu ba Timor-Leste. USAID apoiu Timor-Leste nia esforsu hodi harii nasaun ne’ebé demokrátiku, saudavel no prósperu liu husi programa ne’ebé mak haforsa kreximentu ekonomia ne’ebé inkluzivu no sustentável, espesiálmente iha setór agrikultura no turizmu; hadi’a saúde povu Timor-Leste nian, partikularmente feto no labarik; no haforsa fundasaun ba boa governasaun – area hotu ne’ebé mak marka iha Timor-Leste nia Planu. Estratéjia Dezenvolvimentu 2013-2030 no sei serve ba halo nasaun bele reziliénsia liu tan iha futuru. Atu hatene liu tan, vizita: www.usaid.gov/timor-leste.

Last updated: November 17, 2020

Share This Page