Governu Estadus Unidus Ajuda Fornese Materiál Krítiku Médiku ba COVID-19 Lais no Fasil liu Husi Portu Dili

Atu fó sai kedas

Kuarta, Maiu 20, 2020

DILI, TIMOR-LESTE —Fornesimentu importante médiku ne’ebé krítiku ba Timor-Leste hodi luta hasoru pandémia virus corona la’o lalais tebes husi roo ba rai no alende ba too iha liman servidór saúde nian, obrigado ba esforsu tomak husi Estadus Unidus ne’ebé halo lalais prosesu tomak ba material COVID-19 nian.

CRP TL
Customs officers inspecting a container from China which was found to contain over 75% more goods than had been officially declared.

Embaixada Estadus Unidus liu husi misaun Ajénsia Estadus Unidus ba Dezenvolvimentu Internasionál (USAID) nia Projetu Reforma Aduaneira (PRA) servisu hamutuk ho Autoridade Aduaneira hodi dezenvolve lista fornesimentu médiku ne’ebé krítiku ne’ebé liga ba aprovasaun lalais iha alfandega ba material COVID-19 nian. Materiál sira ne’ebé to iha portu Dili simu ho tratamentu aprovasaun ne’ebé ho importante.  

Dezde dezenvolve lista ne’e iha fim de fulan Marsu, servidór aduaneira iha portu dili aprova material besik kilograma rihun rua nulu resin lima ne’ebé iha ligasaun dereta ba iha Timor-Leste nia luta hasoru COVID-19. Ho aproximasaun katak, material sira hetan aprovasaun iha loron tolu nian laran de’it. Tempu ne’e aprovasaun sempre haan tempu ne’ebé naruk liga ba razaun ne’ebé oi-oin liga ba servisu aduaneira nian.

“Estadus Unidus apoiu Timor-Leste iha ninia luta ba hasoru COVID-19,” hatete Embaixadora Estadus Unidus Kathleen Fitzpatrick. “Governu Estadus Unidus fornese ona besik millaun ida pontu neen iha esforsu Timor-Leste nian ida nee, no kompremetidu ona besik bilaun ida iha mundu tomak. Alende nee, ami nia asisténsia liu husi projetu sira seluk mak hanesan ida agora mós fó ona benefísiu ba Timor-Leste iha tempu ida agora no ba future.”

 “Ami hato’o obrigado ba Estadus Unidus ho ninia apoiu ne’ebé iha,” hatete Diretór Jerál Autoridade Aduaneira Jose Antonio Fatima Abilio. “Bainhira PRA aproxima ami ho sira nia idea hodi kria aprovasaun deteksaun ne’ebé lalais ba lista material ba COVID-19, ami deretamente rekoñese oinsá valor ida ne’e bele ajuda luta hasoru moras iha nee iha Timor-Leste.”

PRA, ne’ebé ajuda Autoridade Aduaneira hodi hetan estardante internasionál bainhira Timor-Leste hakarak tama ba membru Asosiasaun Nasaun Sudeste Aziátiku no Organizasaun Komérsiu Mundiál, uza lista ba material COVID-19 hudi Organizasaun Mundiál Aduaneira hodi dezenvolve lista espésifiku ba Timor-Leste. Lista ne’e inklui material mak hanesan material teste ba COVID-19, disenfeksaun, roupa protesaun nian, produtu esterilizasaun, termometru no respirator. PRA ho kuidadu kontestualiza lista sira ne’e hodi garante material klasifikada tomak no aliña ho tarifa iha Timor-Leste.  

Alende ba apoiu husi governu Estadus Unidus, Estadus Unidus aproxima ne’e ba ajuda povu iha mundu tomak liu husi jenerozu hudi negosiadór privadu sira, grupu naunprofit sira, organizasaun karidade nian, organizasaun fiar nian no individual. Hamutuk, Amerikanu fornese ona besik bilaun haat pontu tolu iha doasaun no asisténsia iha mundu tomak, alende ba saida mak governu Estadus Unidus oferese ona.


Governu Estadus Unidus, liu husi USAID, servisu hamutuk iha parseiru ho Governu Timor-Leste hodi apoiu baze ne’ebé luan no dezenvolvimentu ne’ebé efetivu. Dezde tinan 2001, USAID fornese besik millaun atus tolu lima nulu iha asisténsia dezenvolvimentu ba Timor-Leste. USAID apoiu Timor-Leste nia esforsu hodi harii nasaun ne’ebé demokrátiku, saudavel no prósperu liu husi programa ne’ebé mak haforsa kreximentu ekonomia ne’ebé inkluzivu no sustentável, espesiálmente iha setór agrikultura no turizmu; hadi’a saúde povu Timor-Leste nian, partikularmente feto no labarik; no haforsa fundasaun ba boa governasaun – area hotu ne’ebé mak marka iha Timor-Leste nia Planu Estratéjia Dezenvolvimentu 2013-2030 no sei serve ba halo nasaun bele reziliénsia liu tan iha futuru. Atu hatene liu tan, vizita: www.usaid.gov/timor-leste.

Last updated: June 17, 2020

Share This Page