Apoiu Estadus Unidus ba Timor-Leste Responde ba COVID-19 Sa’e ba Millaun 1.6 ho Fundu foun ho valor $500,000 ba UNICEF nia Programa Prevensaun

USG-UNICEF and MoH
Embaixadora Estadus Unidus Kathleen Fitzpatrick akompana hudi Diretora Jeral Ministeriu da Saude Dra. Odete da Silva Viegas, UNICEF nia country reprezentativu iha Timor-Leste Valerie Taton, USAID nia Diretor Misaun Jim Wright hodi lansa projetu ne'e hodi luta kombate COVID-19.
Cris Guterres/USAID

Atu fó sai kedas

Tersa, Juñu 2, 2020

DILI, TIMOR-LESTE — Estadus Unidus investe rihun atus lima ba iha UNICEF hodi prevene COVID-19 iha Timor-Leste, Embaixadora Estadus Unidus Kathleen Fitzpatrick, USAID nia Diretór Misaun Jim Wright no UNICEF nia Country Reprezentative Valérie Taton hatete ohin iha sira nia aprezentasaun ba iha Diretora Jerál Ministériu da Saúde, Dra. Odete da Silva Viegas.

Kontribuisaun Estadus Unidus nian ne’e husi fundu Ajénsia Estadus Unidus ba Dezenvolvimentu Internasionál (USAID) ba prevensaun no responde ba COVID-19. Fundu ne’e sei uza ba komunikasaun risku, envolvimentu komunidade nian, no kontrolu infesaun no bee no saneamentu iha klínika saúde iha munisípiu balu.

“Ijiene ne’ebé di’ak ne’e importante tebes iha situasaun saida de’it espesiálmente bainhira luta hasoru COVID-19,” hatete Embaixadora Fitzpatrick. “Fundu ne’e sei ajuda UNICEF garante klínika saúde sira iha Timor-Leste bele fornese bee moos no saneamentu ne’ebé própriu ba sira nia komunidade. Estadus Unidus orgullu hodi lidera mundu luta hasoru pandémia ne’e no kontente ho parseria hamutuk ho UNICEF no Ministériu da Saúde ba luta ida ne’e iha Timor-Leste”, nia hatete.

“Pandémia COVID-19 hanesan perturbasaun bo’ot iha moris labarik no sira nia família iha Timor-Leste,” hatete UNICEF nia Reprezentativu Valérie Taton. “UNICEF hare parseria ho USAID nudar oportunidade dia’k tebes ba hare impaktu husi pandémia ne’e, nomos servisu iha sistema ida ne’ebé bele benefísia labarik no nia familia ba tempu ne’ebé naruk.” 

Ho apoiu husi Estadus Unidus, UNICEF implementa estratéjia hodi kontinua prevene COVID-19 liu husi halo risku komunikasaun ba komunidade lokál sira, hadi’a bee no saneamentu no fornese ekipamentu ne’ebé nesesáriu ba iha klínika, no uza baze de dadus hodi hadi’a responde hotu ba COVID-19. Servisu ne’e sei hala’o iha komunidade no klínika saúde iha munisípiu Baucau, Covalima, Dili, Ermera, no Manatuto.

Ohin loron, Estadus Unidus kontribui ona millaun ida pontu neen ba Timor-Leste hodi luta hasoru COVID-19. Servisu liu husi organizasaun oi-oin, inklui USAID nia Projetu Hakbi’it Servisu Saúde Báziku no UNICEF, osan ne’e hodi ajuda governu prepara sistema laboratóriu, deteta kazu, apoiu asisténsia espertu tékniku, risku komunikasaun, no prevene tranzmisaun COVID-19 liu husi programa sira seluk. 


USAID, servisu hamutuk iha parseiru ho Governu Timor-Leste hodi apoiu baze ne’ebé luan no dezenvolvimentu ne’ebé efetivu. Dezde tinan 2002, USAID fornese besik millaun atus lima haat nulu resin rua iha asisténsia dezenvolvimentu ba Timor-Leste. USAID apoiu Timor-Leste nia esforsu hodi harii nasaun ne’ebé demokrátiku, saudavel no prósperu liu husi programa ne’ebé mak haforsa kreximentu ekonomia ne’ebé inkluzivu no sustentável, espesiálmente iha setór agrikultura no turizmu; hadi’a saúde povu Timor-Leste nian, partikularmente feto no labarik; no haforsa fundasaun ba boa governasaun – area hotu ne’ebé mak marka iha Timor-Leste nia Planu Estratéjia Dezenvolvimentu 2013-2030. Atu hatene liu tan, vizita: www.usaid.gov/timor-leste.

Last updated: June 17, 2020

Share This Page